LEKSION I HAPUR I ANËTARES SË GJYKATËS KUSHTETUESE MBI ÇËSHTJE TË DIALOGUT GJYQËSOR KUSHTETUES NË KUADRIN E INTEGRIMIT EVROPIAN TË SHQIPËRISË
Dialogu gjyqësor i Gjykatës Kushtetuese të Shqipërisë me Gjykatën Kushtetuese të Italisë, ishte çështja kryesore që anëtarja e Gjykatës Kushtetuese, Dr. Fiona Papajorgji, analizoi në leksionin e hapur që u organizua në Fakultetin e Drejtësisë, Universiteti i Tiranës. Në ligjëratën e saj, znj. Papajorgji theksoi rolin e këtij dialogu për vendime të rëndësishme të Gjykatës Kushtetuese, veçanërisht në fushat që vijojnë:
- Për çështje të procesit të rregullt ligjor në procesin penal;
- Për çështjet e statusit të deputetit dhe papajtueshmërisë së funksionit të deputetit me veprimtari fitimprurëse që buron nga pasuria e shtetit ose e pushtetit vendor;
- Për kushtetutshmërinë e cështjeve të shtruara për referendum;
- Për çështje të kushtetutshmërisë së akteve normative të Këshillit të Ministrave në rast nevoje dhe urgjence, etj.
Nga komentet dhe pyetjet e studentëve pjesëmarrës, u nënvizua se, dialogu gjyqësor kushtetues rezulton i dobishëm për jurisprudencën kushtetuese dhe për shtetin e së drejtës në Shqipëri. Ky dialog ka nevojë të zgjerohet sidomos për përafrimin e legjislacionit shqiptar me atë të Bashkimit Evropian.
Falenderim i veçantë për znj. Fiona Papajorgji!
Ky aktivitet u organizua në kuadrin e zbatimit të Projektit “Përafrimi i legjislacionit me standardet europiane përmes gjykimit kushtetues” që mbështetet nga Agjencia Kombëtare e Kërkimit Shkencor dhe Inovacionit, (AKKSHI).
Klikoni linkun per te shfletuar materialin: Leksioni Hapur
